Sassafras

Wat 'n mooi dorpie. Dit is tipies jou klein plattelandse dorpie met baie karakter. Die plek is ook so 'n halfuur na vyf en veertig minute se ry van ons huis af. Jy ry deur boomryke areas en deur party natuur reservate. Die een oomblik is jy nog in 'n beboude area en die volgende oomblik ry jy deur ongerepte natuur met boomryke areas reg rondom jou. Jy sien net hier en daar die son deur die blare skyn.

Ons het by 'n natuur reservaat Grants Picnic area gestop om piekniek te hou. Hier is hordes pappegaaie wat aangevlieg kom om gevoer te word. Hier was wittes, groenes en rooies gewees. Jy koop 'n pakkie sade by die kiosk dan gooi jy so 'n paar op jou handpalm. Die pappegaai kom sit dan so bo-op jou arm en pik die sade uit jou hand. Die kinders het dit baie geniet.

Later het ons so deur Sassafras gestap en al die winkeltjies binne gegaan. Hier is stunning winkeltjies met die mooiste "eye candy". Daar was ook so 'n wegsteek gangetjie met winkeltjies wat jou terug laat dink aan Pelgrimsrus. Hier het die kinders natuurlik foto's geneem waar hulle deur 'n gaatjie loer. Tipies soos in Durban. Cool!!! Ek het op 'n kamertjie afgekom waar daar 'n ou pophuis in is. Die pophuis dateer uit die begin 1900's en was eens op 'n tyd 'n vorige eerste ministers vrou sin gewees. Baie mooi.

Later die middag het ons na Skyview toe gegaan. Hier kan jou op 'n mooi helder dag seker so 'n 180 grade uitkyk van Melbourne kry. Wat 'n uitsig. Hier is ook mooi tuine asook 'n maze waardeur jy kan stap. Die kinders het daar deur gestap en as jy al die clues kry dan wen jy 'n prys. Dit het hulle seker 'n halfuur of so geneem om dit te doen, maar tenminste het ons bietjie rus van hulle gekry. Daar is so 'n reuse stoel waarop jy kan sit, al ses van ons het daarop gesit en daar was nog steeds baie plek oor.

Die van julle wat Facebook het kan my gerus opsoek en invite dan kan julle op my foto albums gaan kyk, daar is stunnig foto's daar van die area. Dit is partykeer moeilik om al die foto's hierop te laai, so ek sit gewoonlik net 'n paar op.

Ou Kersaand en Kersdag in Melbourne 2009

As mens so ontwortel en jy probeer al jou bearings weer terug kry vat dit aan 'n mens. Indien enige mens dink dit is maklik om net te pak en te skuif, al is dit net na 'n ander dorp of provinsie, en weer jou lewe aan die anderkant uit te pak gaan maklik wees het ek nuus. Dit is moeilik, dit is partykeer emosioneel moeilik, jy raak partykeer depresief en jy crave die dinge van by die "huis", die probleem is jy kan nie in die kar klim en gou ry. Dit is eintlik groot stres en die gevoel van verwerping is hoog.

Wel dis hoe die kersfees vir my gevoel het. Ek was hartseer, ek het dinge gemis (wat dit was weet ek nie) ek het die bekende dinge van Suid Afrika gemis. Die reuke en geluide, die gevoel van kersfees het ek nie gekry nie. Gewoonlik wanneer die skole in Desember sluit dan begin daardie gevoel hier in jou hart posvat, dis Kersfees. Jy sien kleure, jy ruik reuk, daar is iets in die lug wat jou laat besef dat iets spesiaal is aan die gebeur, ek het dit nie hier gevind nie. Dit was moeilik . . .

Aangesien ons 'n klompie Suid Afrikaanse gesinne was wat nie met die Kerstyd weg sou gaan nie (Alex het toe net begin werk) het die Dominee se vrou Ina besluit dat ons ou kersaand by die kerksaal bymekaar kom en hier die aand spandeer met 'n lekker braai, 'n kersboom vir die kinders en dan ook so bietjie kersliedere sing. Ons was toe so 13 gesinne wat so die aand saam gespandeer het en sommer net lekker gekuier het onder mekaar.

Natuurlik is die kersboom nie dieselfde as daar nie 'n kersvader is nie en een van die manne het besluit hy sien kans daarvoor. Soos my kinders maar is vat hulle gewoonlik die voortou, toe dit by hulle name kom vir hulle persente wat onder die kersboom is besluit hulle om op kersvader se skoot te sit en dat ons 'n foto moet neem. Nodeloos om te se het al die ander kinders hulle voorbeeld gevat en die foto sessie met kersvader het begin. So indien julle ooit wil he iemand moet iets begin, nooi net my kinders en plant die saadtjie in hulle koppe, hulle sal seker maak dat dit gebeur net soos wat jy wil he dit moet wees.

Ons het lekker gekuier die aand met heerlike kosse, poedings (wat 'n mooi trifle was dit nie) , kersies (wow nooit geweet die goed kan so lekker proe nie) en die gesingery en so by elfuur ry gekry huis toe. Ons het eers by Anli hulle gaan koffie drink (die twee groot seuns het besluit Xbox is die inding) en Christiaan gaan oplaai en na twaalf by die huis aangekom. Hier het ons eers persente oopgemaak wat onder kersboom was (ek het my eie regte egte kersboom gehad) en het so half twee in die bed gekom. Wat interresant was, die week voor kersfees het die winkels 24uur oopgebly, en 'n dag of twee voor kersfees was die winkels besiger as ooit so laat. So wie sou dink om laataand winkel toe te gaan sal 'n plesier wees, nie weer nie.

Met kersdag was ons so 4 gesinne wat bymekaar gekom het by Cecilia en Johan Blignaut se huis. So het ons nou gekuier van twaalfuur die middat tot so agtuur die aand. Die kinders het hulle self besig gehou met Xbox, playstation en die WII, ons grootmense het gesit en gekuier en gekuier en gekuier.

Iemand en Niemand

Aan almal wat die afgelope maand gewonder het wat gaan aan, hier is dan geen updates van ons lewens, lewe die mense nog. Die antwoord is JA ons lewe. Regtig ons lewe, die probleem was 4 kinders wat binne 3 dae nadat ons cap vir die maand van Desember gekry het alles opgebruik het. Ons cap vir die maand is gewoonlik 12Gig. Dag 1 is daar 1Gig gebruik, dag 2 is 2 Gig gebruik en dag 3 toe is 7Gig gebruik, en wie dink julle is toe die skuldige. Wel indien julle al ooit vir iemand of niemand ontmoet het in my huis dan weet julle presies wie is die skuldiges. Toe ek die mail kry dat ons Gig op is die oggend is ek toe goed die josie in (kan nie regtig die woord gebruik wat ek op daardie stadium gevoel het nie), ek roep al 4 die kinders in en vra toe wie het so baie gebruik. Niemand antwoord toe, die oe beweeg net so heen en weer tussen die 4 maar niemand wil vorentoe tree en verantwoording vat nie. Mense en hier begin die sports toe, almal beskuldig toe vir iemand.

Wel dis eintik nodeloos om te se, maar iemand en niemand ontken of erken wie dit is wat die cap so opgebruik het nie. Ek en Alex het natuurlik ons suspisie want daar is 'n sekere persoon in die huis wat 'n nuwe skerm gekry het vir Xbox asook online status, en volgens die mense by EB Games kan die eerste online aansluiting nogal cap vat as die Xbox updates moet doen.

Dit maak die situasie nogal moeilik aangesien daar nie klinkklaar bewyse is van wie se rekenaar het dit gedoen nie, maar wie word nou eintlik gestraf.

Ek is nou al so moeg vir hierdie iemand en niemand wat altyd so onseremonieel 'n mens se lewens so omdompel, want mense met ons trek toe hier na Australia het ek so gehoop (en natuurlike gebid) die twee bly agter in Suid Afrika, want hulle het nie goedkeuring gekry om die land binne te kom nie. Daar is nie eens paspoorte vir hulle. Op ons "entry" visas is die net ek en Alex en natuurlik die vier kinders, maar iemand en niemand het nie entry visas gekry nie. Nou wat nou, wie gaan verantwoording aanvaar vir die twee as immigrasie op ons toeslaan en die twee word gevind as "illegal alliens". Nie ek nie, beslis nie ek nie!

So dis die kort en die lank van waarvoor daar geen updates was nie. Ek sal nou maar my stories mooi agter mekaar moet kry en hopelik die laaste maand se doen en late mooi dokumenteer sodat almal kan sien dit gaan regtig goed.

Kingslake omgewing

The Black Saturday bushfires, were a series of bushfires that ignited or were burning across the Australian State of Victoria on and around Saturday 7 February 2009 during extreme bushfire-weather conditions, resulting in Australia's highest ever loss of life from a bushfire. 173 people died as a result of the fires and 414 were injured. As many as 400 individual fires were recorded on 7 February. Following the events of the 7th of February 2009, that date has since been referred to as Black Saturday

Hier bo is 'n klein synopsis van wat hier gebeur het. In Kingslake en omgewing het omtrent almal hulle huise verloor. Alles was en is letterlik afgebrand tot op die grond toe. Met ons rondryery die dag het ons nog gesien dat daar baie mense is wat nog in tente en selfs karavane bly. Die herbouings proses is nog aan die gang en sal sekerlik nog vir 'n baie lang tyd wees.

Die bome is nog steeds pikswart gebrand maar rondom die stam het daar groei begin intree, volgens wat ons gehoor het is die bome se wortels nie so erg beskadig nie, die dat hulle weer begin groei het. Op party plekke sien mens net die swart stompe van hemel hoe bome, die se wortels is so erg beskadig dat dit nie weer sal uitloop en groei nie. Dit is 'n ongelooflike prentjie om te sien as jy so die pas uitry na Kingslake en die rye of rye bome sien wat so verbrand het met die groen tusssen in. Wat nog erger is, is dat party van die veld brande deur mense veroorsaak is wat heeltemal buite beheer geraak het.

Sover ek kan onthou dink ek daar was oor die 2000 huise wat verwoes was en party klein dorpies was ook heeltemal verwoes.

Hier het ons so by 'n one horse huggie gestop (Hazeldene) en middag ete geniet. Die burgers is groter as 'n piering en die skyfies was so baie dat ons die helfte van dit gelos het. Ons is seker hulle het 'n hele 5kg pak aartapels gebruik vir ons ses, maar dit was eintlik baie lekker gewees. By die plek kry jy jou petrol, video, wegneem etes, groceries en jou gas. Hier is ook 'n "opshop" langs die winkel. 'n Opshop is eintlik "Oppurtunity" of beter bekend as pawnshop, en hier kry jy gewoonlik bargains, maar dit is 'n ander storie heeltemal op sy eie.

Die bruggie waaroor ons gery het so verwoes dat net een kar op 'n slag daaroor kan ry. Dit is met ou treinspoor balke reggemaak, en hoe lank dit gaan hou weet ek nie, maar dit is iets om te aanskou. Sonder die bruggie kan jy nie by die winkel uitkom nie, dit loop oor 'n riviertjie.

Ek moet se die mense in Australia het hulle harte en beursies vir die "victims" oopgemaak en daar is miljoene rande ingesamel vir die herbouing van huise en mense se menswees. Aangesien mense hier weggestap het net met die klere aan hulle lywe is donasies van klere en meubels en ander goed in oorvloed gegee. Besighede het ook miljoene bygedra en tot vandag toe kan jy sien dat indien iets tragies hier gebeur die mense nie huiwer om hulle harte en beursies oop te maak nie.

Preston Mark

Hier in die omgewing rond is 'n paar markte waar jy na hartelus kan rondloop en alles en nog wat koop. Die Preston Mark is so twintig minute se ry van ons huis af, en dit laat my nogal dink aan die Oriental Plaza.

Hier is die mark ingedeel is so 3 areas, jou vars groente en vrugte, jou vars vleise en deli's en dan al die ander snuitery en klere.

Die vars vleis en deli mark gedeelte is nogal iets om aan gewoond te raak. Al die vleise en visse wat so uitgestal is in hulle stalletjies laat my skoon die rillings kry die oggend, maar ons beproef toe dit. Ons loop toe so van die een na die ander stalletjie en bekyk die pryse. Vleis is nie goedkoop hier nie, al is dit vleis wereld. Vir skaap betaal jy enige iets van $15 en meer, en vis is so van $13 en meer, gewoonlik meer. Om iets soos Gammon te kry moet jy dit vooraf bestel, dit is nie in die algemeen bekombaar nie. Dit vind ons toe uit nadat ons nerens Gammon kan kry vir Kersdag nie. Ons is ook gewoond om lekker boude of selfs heel stukke vleis te kry wat lekker gemarineer is in Suid Afrika, wel hier kry mens dit nie. Jy moet soek, van Coles tot Woolworths/Safeway (en nee dis nie ons tipe Woolies nie) en verder om so iets te kry. Die vleis snitte is nie soos wat ons gewoond is nie, dit is HEELTEMAL anders, maar jy raak daaraan gewoond.

Die deli afdeling was vir my die mees interresantste. Hier het ons by 'n deli vasgehaak en toe maar gevra (en lekker geproe) watter tipe worsie en koue vleise is nou wat. 'n Baie vriendelike verkoopsman het ons gehelp, soveel so dat ek verniet worsies gekry het om te probeer by die huis. Selfs Susan (die is al 17maande hier) was nogal impress met die ou se verkoops vernuf.

Die vis in die mark het ek heeltemal geskip, my maag was net nie sterk genoeg vir al die reuke wat dit gekry het nie. Ek moet net se hier is 'n verskeidenheid van "Butchers", by die bedoel ek nou jou Asiers, Russe, Hongare ens. Wat nog meer die maag omgekrap het is die koppe en al die ander goed wat so in die vertoon vensters gele en wag het. Ek gril sommer van vooraf . . . . .

Die groente mark is kleurvol en dit ruik soet as jy so van die een na die ander een stap. Hier kan mens ook 'n duidelike onderskeid tref tussen jou verskillende rassegroepe. Die Asiers se groente is goed wat ek nog nooit gesien het nie, wat die goed se name is weet ek nog minder, so ek het maar net verby gestap en baie vrae gevra, maar die ouens kon mens ook nie lekker verstaan nie. (ek wonder parytkeer waar het hulle hul engelse toetse gedoen)

Die vrugte is mooi en indien jy nie seker is of dit reg is of selfs as jy dit eers oor 'n week wil gebruik dan help die jou mooi en verduidelik wat is beter en wat is nie. Hier kry mens 3 verskillende tipe aartapels, die met so 'n rooi skil, dan die wittes soos ons gewoond is en dan natuurlik die wat lyk of dit nou net uit die grond getrek is. So koop mens maar die verskillendes en probeer uitvind nou watter koop mens nou eintlik. Wat ek toe uitgevind het is dus die volgende, indien jy braai aartappels wil maak dan koop jy die rooiskil aartapel, as jy mash wil maak dan koop jy die witte en die beste om eintlik te koop is die vuil een want die hou blykbaar die voedingstowwe langer binne. Wel ek sien nie kans om elke keer daardie bleddie vuil aartappels te skrop nie (al is hulle goedkoper) dit vat tyd en na die tyd lyk dit of jy lekker modder koekiers gebak het in plaas van om kos te maak. So ek koop maar elke keer die rooiskil een en dit werk vir my. Trial en error en so vind jy dan uit wat werk ook maar en wat werk nie.

Hier is ook maar 'n paar lekker snuitery winkels waar jy ure tyd kan in spandeer om net te sien wat het hulle alles. Vir die Celeste het ek toe 'n paar sneakers gekoop vir $5, gewoonlik is dit so by die $50 vir 'n paar. Dit was vir my 'n bargain mense.

Ek sal die kinders maar eendag hierheen bring sodat hulle daar deur kan loop en kyk en natuurlik proe wat is beskikbaar want nie almal se "tastebuds" is dieselfde nie. Susan staan by een so 'n kos stalletjie, eers het ek my neus opgetrek, maar na die tyd het ons daar gaan eet. Dis amper 'n tipe van 'n pannekoek met 'n filling in, net dit is nie pannekoek deeg nie. Dit was baie lekker, en om die dood kan ek nie onthou watter tipe nasie se kos dit was nie. Sal dit maar net weer moet gaan opsoek.

Carols by Candle light

Gisteraand het ons die Carols by Candlelight bygewoon wat deur die Manningham stadsraad aangebied was. Dit is in 'n publieke park aangebied en daar was verseker duisende mense. Die verrigtinge het so 5 uur begin en het tot so na tien aangehou. Wat interresant was is die kos wat ons gekry het, alles verniet. Daar was "sausage sizzlers", spookasem en koeldrank wat gratis aan al die toeskouers gegee is. Jy kon natuurlik eet tot jy omval as jy wou, maar die meeste mense het darem maniere en dit was meer die kinders wat die toue vol gestaan het vir die lekkernye. Imagine dit in Suid Afrika waar daar by die Uniegebou se tuine 'n heerlike kers samesang gehou word en dat daar kos uitgedeel word, dit sal totale chaos heers en aan die einde van die opvoering sal daar nog klagtes wees omdat daar slegs aanmaak koeldrank was.

Dalk is ek maar net bevooroordeeld, maar dit was lekker om so rustig in die park te sit, na die musiek te luister en saam te sing. Dit was lekker want daar was 'n rustigheid onder die mense, niemand was meer luidrugtig as die volgende ou nie, en almal het 'n plekkie gekry sonder dat daar oproerigheid ontstaan het of dat daar van die oggend getou was om 'n plekkie te kry nie.

Na die laaste samesang was daar 'n vuurwerk vertoning met agtergrond musiek wat die hele vuurspel tot 'n klimaks gelei het, dit was beslis die hoogtepunt van die aand vir ons almal gewees.

Ons hoop om dit weer in 2010 te ervaar, dit was stunning gewees.

Aquarena

Die weer is hier baie snaaks. Ek is nie seker of ek dit al gese het nie, maar hier in Melbourne kan jy vier seisoene in eendag kry, of nog beter, as jy nie van die weer jou wag vyftien minute dan verander die weer.

Die weer bou op hier, dis is koelerig vir 'n dag of twee dan begin die warmer word en skielik het jy een hengse warm dag. So was dit gewees dat gister heng warm was. Dit was 39 grade en die humiditeit was nog erger. Ons het die kinders toe maar na die Aquarena toe gevat so om die draai van die huis. Hier is 'n groot buitemuurse olimpiese grote swembad, 'n waterslide en dan ook binnehuise swembaddens.

Omdat hier redelik water skaarste in die land is het nie baie mense swembaddens nie en verder is hier redelike streng water beperkinge. Huidiglik is ons in 'n "3a" of so iets water beperking wat beteken ons mag net 155 liter per persoon per dag gebruik, jy mag nie jou kar was met 'n tuinslang en jy mag ook nie die gras natmaak nie. Plante kan net op sekere dae en sekere tye van die dag nat gemaak word. So as jy hier besluit om tuin te maak moet jy maar seker maak jy het plante wat aan droogte toestande gewoond is anders sal dit nie oorleef nie.